Rannsóknir
Ég hef lengi haft áhuga á rannsóknum og þróun verkfræðilausna á verkefnum sem tengjast læknisfræði.
Sérþekking mín er á sviði myndflokkunar (e. image segmentation) og myndmátunar (e. image registration), bæði með klassískum myndgreiningaraðferðum og aðferðum sem byggja á djúpum tauganetum og gervigreind. Rannsóknahópur minn hefur þróað aðferðir fyrir heilamyndir, myndir af mjaðmagrind og fingrafaramyndir.
Rannsóknir mínar í dag snúast um þróun sjálfvirkra reikniaðferða fyrir myndgreiningu með áherslu á þrjú megin rannsóknasvið:
1. Sjálfvirk merking á segulómmyndum af heila til þess að leita kerfisbundið að breytileika í byggingu heilans í aldurstengdum heilahrörnunarsjúkdómum eins og Parkinsonlíkum sjúkdómum og fullorðinsvatnshöfði.
2. Sjálfvirk merking beina á tölvusneiðmyndum fyrir áhættumat á mjaðmarbrotum í lækningaskyni.
3. Flokkun fingrafaramynda til þess að aðstoða við greiningu sjaldgæfra erfðasjúkdóma, eins og t.d. Kabuki heilkenni.
